陳漢典難忘大S出道時給予鼓勵 AKIRA考量家屬心情拒回應林志玲現況

陳漢典、林志玲老公AKIRA（黑澤良平）及ENERGY成員牛奶呢日出席一個街舞實境節目總決賽錄影，擔任主持嘅陳漢典談及大S離世難掩傷感，好感激對方給予鼓勵，亦難忘大S出道時嘅照顧。

陳漢典、AKIRA同牛奶呢日錄影節目
陳漢典讚大S係一個溫暖嘅姐姐，以前一齊錄影嗰陣，感覺大S好真誠，陳漢典當年剛出道不久，多得大S一直關心，講到大S離世後，唔少好友擔心小S身心狀況，好姊妹Makiyo早前透露小S比之前消瘦，陳漢典一向同小S合作無間，佢有主動發短訊畀小S送上關心，指小S以簡單符號回覆，認為小S好需要空間，自己都唔太方便一直打擾，想讓小S稍為靜一靜。
同小S合作多年、又認識大S嘅陳漢典回應時難掩傷感

而大S另一位好友林志玲有先後發文悼念故友，林志玲老公AKIRA呢日被問太太心情，佢就表示考量到家屬心情，唔方便發表太多言論。

AKIRA就非常貼心，為免影響徐家心情，婉拒回應