陳零九新年忙煲劇荒廢寫歌 品冠返大馬享受父子獨處時光

台灣一間經理人公司舉行新春團拜，包括陳零九、品冠、王心恬、林輝煌等旗下藝人都有出席，大家都著到喜氣洋洋，現場氣氛熱鬧。陳零九話過年自己多數時間都宅喺屋企煲劇，原本計劃要趁假期寫歌，結果成個假期都喺度休息，所以正式開工之後就要加倍努力準備新專輯。

原本打算過年期間埋首寫新歌嘅陳零九，最後掛住煲劇而未有成事
踏入新一年，品冠即將喺北京舉行演唱會，呢個新年佢除咗落力排練，亦有爭取時間帶阿仔返家鄉馬來西亞拜年，不過太太同阿女就留喺台北，品冠就話好珍惜對於難得嘅父子獨處時光。
品冠過年期間就返大馬同囝囝度過難得親子時光

名模王心恬嚟緊會去日本考滑雪教練牌，講到日本流感肆虐，佢就話自己出發前會打疫苗，亦會全程戴口罩，做好保護功夫。

至於林輝煌呢個新年就過得有啲傷心，事關佢嘅愛犬喺過年期間離世，佢話收到電話嗰一刻，腦中一片空白，因為愛犬已經陪伴佢16年，所以好唔捨得。