高海寧鐵馬團拜食十三么 泰國度假被網民野生捕獲

馬國明同湯洛雯屋企喺新春期間真係忙住招呼朋友，繼早前約一班新劇《富貴千團》嘅拍擋喺屋企打邊爐睇首播後，日前聚埋「鐵馬家族」唐詩詠、黃嘉樂夫婦、林子善一家三口喺家中團拜，而當日一早喺美國返港嘅高海寧，抵港就立即會合馬明為主演嘅賀歲片到戲院謝票，之後就一齊去馬明家慶祝新春。

日前聚埋「鐵馬家族」唐詩詠、黃嘉樂夫婦、林子善一家三口喺家中團拜。
一大班好朋友新年團拜，又點少得打吓麻雀熱鬧吓，高Ling就麻雀女王上身，食出十三么發新年財，見到開心到見牙唔見眼，不過最開心當然係逗利是環節，見到大家互相派利是逗利是，連馬太湯洛雯都話每次聚會充滿歡樂笑聲，期待下次再聚會。

當日一早喺美國返港嘅高海寧，去馬明家慶祝新春。
高Ling亦趁住新春假期，立即飛去泰國放吓假，仲喺商場被網民野生捕獲，素顏便服嘅高Ling非常親民貼地，樂意應邀合照，仲簡單傾談，毫無架子，難得高Ling人氣越嚟越高。

一大班好朋友新年團拜，又點少得打吓麻雀熱鬧吓，高Ling就麻雀女王上身。

高Ling亦趁住新春假期，立即飛去泰國放吓假，仲喺商場被網民野生捕獲。