StarTalk一氣呵成版｜高Ling曝追求者攻略忌急進 馬明自爆送禮滑鐵盧退貨收場

馬國明 同 高海寧 再次現身，不過呢集《StarTalk》就係同 王鎮泉 傾《新聞女王2》，而係佢哋合作演出，即將上演嘅賀歲新片《麻雀女王追男仔》，今次擔正拍戲仲係帶埋大家笑聲嘅賀歲片，高Ling就話既充實亦非常開心，馬明就指趕急不過氣氛非常好玩，又笑言自己係電影界處男下海，只可以話卡士豐富，自己只係掛名男主角咁話。

高Ling、馬明主演嘅賀歲片日內就上映
新片以國粹打牌為主題，仲指有監製兼導演 王晶 在場指導，高Ling事前亦做足功課研究手勢同牌局，仲話好在近年學識打牌，仲爆其實全家人甚少打牌，所以所知甚少，反而馬明就自己細耳濡目染，非常了解唔少細節喇。
雖然高Ling近年先學識打牌，不過就夠晒好運喇

小學已經識打牌嘅馬明，同近年先加入戰團嘅高Ling，又認為打牌技術未必最重要，好多時運勢佔比仲更多，高Ling仲試過自摸十三幺﹐認真犀利。

唔少人都話同前輩打牌至在過程，至重要係識鬆章氹老人家開心，不過馬明就自封係財神爺，因為戰績非常麻麻，自自然然就會打開櫃桶找數喇。
馬明就因為十打九輸，所以自封係財神爺

新片戲名就叫埋追男仔，不過女主角高Ling就話從未試過愛情上做主動，但係適當時候就會俾追求者知道自己都有好感，等對方加強攻勢。仲話祟尚自然同慢熱，太熱情會嚇走自己咁話。仲話默默付出嘅男士非常吸引，而鼓勵嘅說話更加一句都唔可以少呀。

而新婚唔算耐嘅馬明同太太靚湯，當年拍拖前就傾足半年心事先正式約會，而被笑為天然呆嘅佢，仲直認送禮物曾經完全唔啱另一半心水，仲嚴重到要退貨，非常好笑。而出力搵到一個限量版手袋就令佢過往敗績完全一筆勾消變滿分老公呀。
高Ling踢爆靚湯遙控照顧馬明嘅甜蜜行徑

而靚湯原來仲有同高Ling分享馭夫之道，仲笑指每個男士都可以經過調較而成為一百分好男友，高Ling仲爆馬明同靚湯之間嘅甜蜜相處，馬太仲會遙控餵食，超級體貼。

馬明亦爆出送禮物被退貨嘅瘀事