馬國明高海寧蛇年首現身新片謝票 感受觀眾熱情帶嚟滿足感

蛇年賀歲片《麻雀女王追男仔》現正熱映中，高海寧（高Ling）及馬國明日前蛇年首度現身出席一連幾場謝票場，在場嘅粉絲高舉牌及應援物品，齊心祝賀偶像主演嘅新片票房大賣，馬明同高Ling非常寵粉，喺戲院大堂跟觀眾逐一合照，以致人龍逼爆戲院。

高海寧同馬國明主演嘅蛇年賀歲片《麻雀女王追男仔》現正熱映。

高Ling同馬國明日前蛇年首度現身出席一連幾場謝票場。
高Ling同馬明對於觀眾反應熱烈，感謝一眾支持者捧場。高Ling感受到觀眾嘅熱情，頭先一入戲院已聽到歡呼聲，高Ling覺得可以多啲謝票，等同觀眾多啲互動，而馬明最開心就係見到觀眾睇得好開心，喺新年帶畀大家歡樂，令馬明覺得好滿足感。

馬明粉絲高舉牌及應援物品，齊心祝賀偶像主演嘅新片票房大賣。
高Ling當日朝早由美國工作返港，甫落機即加入謝票相當有心，高Ling及馬明呼籲觀眾繼續入場支持，馬明更預告希望再揀多啲場次嚟謝票，談到蛇年新年願望，高Ling希望票房大賣，馬明想票房越高越好！

馬明最開心就係見到觀眾睇得好開心，喺新年帶畀大家歡樂。高Ling當日朝早由美國工作返港，甫落機即加入謝票相當有心。