林襄首參演電影過江演出 拍Vlog紀錄港片初體驗

台灣啦啦隊女神 林襄 早前參與拍攝賀歲新片《麻雀女王追男仔》，早前仲同片中拍檔 陳靜 一齊接受《StarTalk》專訪，又同導演 葉念琛 高海寧 等齊齊狂玩《獎門人員感謝祭》宣傳。而首次接拍電影嘅佢，仲將當時嘅過程拍成Vlog於個人頻道分享。

林襄(右一)早前來港宣傳新戲，同高Ling(左起)、陳靜、葉念琛一齊參加《獎門人》
林襄於台灣以性感形象參與唔同綜藝節目，玩得又睇得嘅佢，去年應邀來港演出新片，扮演一名年青少女偶像，近日佢公開拍攝時嘅情況，一到場就先向監製兼導演 王晶 送上寫真，之後就投入同 陳家樂 演出喇。
身材極好嘅佢今次係首次參與電影拍攝

林襄喺拍攝空檔對呢次電影初體驗有唔少感受，又指各位拍檔都非常專業，仲獲另一位導演 葉念琛 幫佢安排飯盒，非常照顧呢位新合作成員。雖然原定9點收工整個Delay到凌晨，不過佢就仍然非常興奮，仲話休息後會再同大家繼續詳細分享咁話。

仲將拍攝期間嘅過程錄低同大家分享