富貴千團丨黃庭鋒孖姚宏遠逗人妻利是 湯洛雯講新年習俗張寶兒引笑彈

新劇《富貴千團》喺農曆新年期間為觀眾帶嚟歡笑，劇中演員彼此都默契十足，當中 湯洛雯  張寶兒 黃庭鋒 同 姚宏遠 就同主播 潘盈慧 相約團拜，兩位男仕乘機向兩位靚靚人妻逗利是。劇中故事要以財技同演技嚟致富，咁呢餐團拜聚餐當然要加入呢個元素，四位喺食飯前都各自有個小任務要完成，分別係：

湯洛雯：1.要講「發過豬頭」  2.只可以用「馬生」嚟稱呼另一半張寶兒：1.夾鮑魚俾姚宏遠  2.唔可以講英文黃庭鋒：1.要唱幾句賀年歌  2.整跌人哋隻筷子姚宏遠：1.唔可以食鮑魚 2.要作一個奇怪嘅新年習俗

表面上就齊齊食飯，其實不知不覺間已經各自做任務喇

四位無論演技同急才都好利害，喺大家邊食邊傾偈時已經完成任務，想知道賽果嘅觀眾，就要留意TVB娛樂新聞台 FaceBook 同 YouTube 頻道喇。

到底邊個最神不知鬼不覺，記得繼續留意住ENews喇

四位演員品嚐少年食神Michael準備嘅意頭餸菜，提起傳統習俗，靚湯指大年初一唔可以沖涼同洗頭，Bowie聞言就話呢啲似係生完BB先唔做得嘅嘢，頓時令大家笑聲四起。庭鋒就指每年年初二，都會有五十幾位親友齊集佢媽咪屋企打牌團拜，頓時令大家驚嘆佢屋企相當之大。靚湯同Bowie就話婚前婚後嘅農曆新年有好大分別，靚湯話要包利是派利是，不過利是錢就由老公馬國明負責。Bowie就好期待今年過年，因為袁咕碌長大咗，可以四出拜年，當講到佢可以收利是幫父母回本時，Bowie就笑言要生多一個先得。

四位演員拍攝時各有唔同感受

四人又分享今次拍攝《富貴千團》點滴，靚湯講到兩幕情慾戲，仲笑言同黃子恆嗰一幕應該會剌激到老公。Bowie喺劇中要挑逗歐陽偉豪，佢話當時自己演技經驗唔多，所以係一項挑戰，而姚宏遠就講到喺健身室側身全裸入鏡一幕，當時要靠女同事幫手剪走肉色打底褲，事後回想都覺得好尷尬。