富貴千團｜黃庭鋒首度擔正演男一 靚湯升呢人妻前演出「生擒」黃子恆

由 黃庭鋒 湯洛雯 張寶兒 姚宏遠 主演嘅劇集《富貴千團》正式播出，劇集喺商場造勢同大家拜個早年，大玩遊戲寫賀年揮春，仲抽幸運觀眾上台互動非常熱鬧！呢部劇係庭鋒首度擔大旗做男一，不過佢嘅表現就令拍檔靚湯讚賞有加，以可造之材嚟盛讚，靚湯更大讚庭鋒氣場十足又少NG，反而自己NG得仲多。

靚湯大讚首次擔正嘅庭鋒演出
呢部走誇張路線嘅劇集係靚湯做馬太前拍攝，當中佢亦挑戰唔少大膽場口，其中一場更要「生擒」黃子恆，佢更形容經已達抵個人親密戲嘅最激尺度，坦言榮升人妻後應該唔會再拍呢類場口，相信呢場會喺絶版嘅色誘場面。
呢日又話劇中嘅戲份婚後應該難以再出現

佢仲話有咩激烈場口事前必定要問過老公馬國明，更話除非係荷李活級大製作，否則老公都唔會批准拍攝裸露戲份。

Bowie唔只家庭事業兩兼顧，佢仲非常好學修讀珠寶鑑定課程，本身喺名牌大學畢業嘅佢算係學霸級人馬，但都話呢門學問博大精深，仲好佩服同係修讀寶石鑑證嘅傅嘉莉有耐性不斷進修相關課程同考取資格。
張寶兒同傅嘉莉都有份演出

而新鮮出爐嘅「最佳女配角」傅嘉莉呢日現身活動時神采飛揚，Kelly都話好開心可以喺得奬之後同唔同朋友見面兼食飯慶祝。

《富貴千團》1月27號起 20:30 翡翠台