電影泉攻略丨馬國明賀歲片天然呆本色演出 高海寧難忘新年成街小食檔丨EP141

今集《電影泉攻略》王鎮泉 Jeoffrey 邀請馬國明同高海寧（高Ling）宣傳新片《麻雀女王追男仔》，二人講吓戲中角色嘅性格，分別同愛情及事業研究嘅執著，馬明笑指演一個天然呆嘅科學家，似係本色演出！佢哋由細到大睇好多賀歲片，甚至午夜場都睇，加上成日重睇星爺電影同《七小福》、《最佳拍檔》及《嚦咕嚦咕新年財》等，最難忘係以前新年成條街都係小食檔。
 馬國明同高海寧宣傳賀歲片《麻雀女王追男仔》。
今個禮拜新片速遞有《哈哈哈新年喜戲》講述商界富豪段宇宸喺商業競爭中遭遇「暗影帝國」綁架陰謀，喺逃跑時受重傷，星母廟主持人蘇花意外救起。由於失去記憶，蘇花以針灸方式幫佢醫治。佢亦開始追查身世來源，發現自己被一個面貌一模一樣嘅人取代。
馬國明
《工作細胞》改篇自同名漫畫，由於高中少女漆崎日胡過住健康生活，紅血球與白血球一直喺佢體內愉快工作，反觀漆崎父親好酒貪杯、食無定時，令身體淪為黑心工廠，細胞筋疲力竭下連番控訴，令佢成日唔舒服，不知不覺間，病毒竟然悄悄入侵佢哋身體，暗中蠕動，揭開史上最大「細胞戰爭」序幕。

《隔壁的房間》講英格烈同瑪花呢對年輕時嘅密友，後嚟因生活環境而分開，歷盡多年春風秋雨，佢哋終於重逢，病重嘅瑪花因不堪療程對精神及肉體雙重折磨，決定以藥物自我了斷，佢租咗一間度假小屋，並向英格烈提出邀請，希望英格烈住喺隔壁房間，陪伴度過人生最後時光。
高海寧
《艾曼妞》全片在香港拍攝，講一位職場女強人一直尋求失落已久嘅性歡愉，佢從事酒店品質管理，要獨自前往香港出差，瞬即被異色都市迷人氛圍所吸引。喺奢華酒店經歷無數桃色邂逅後，隨住神秘男子出現，佢冰封嘅性慾被激烈撩動，深入感官世界，展開一場慾望與自我探索之旅。

至於本周票房龍虎榜截至2025年2月5號中午，第三位《封神第二部：戰火西岐》；第二位《祥賭必贏》；第一位《臨時決鬥》。