J.Arie暫別樂壇演唱會興奮大於不捨 人生35年啟發於歌曲訴盡心中情

J.Arie雷深如 暫別樂壇演唱會15號舉行，佢花足兩年籌備呢個演唱會，同時亦會推出一張唱片，J.Arie此舉視作送俾自己嘅一份大禮物，佢預計自己唱到最後一首歌時會好唔捨得，但綵排當下就好興奮。

J.Arie宣佈將會暫別樂壇，已演出同新碟同大家暫時道別
佢仲透露新大碟中十首歌曲已經描述咗佢35年來人生想講嘅事情，包括娛樂圈、生活及大家等，所以即使歌手身份要劃上句號，J.Arie都覺得無悔，若日後再有新衝擊時或會再有意寫歌，但未知會係幾時。
佢話新碟中各首歌已可以代表自己嘅心聲

歌手每逢開騷除咗服裝、舞台等各方面要顧及之外，歌單相信喺最頭痛嘅一個環節，好彩J.Arie早已經有晒多元化嘅方向，包括會獻唱自己大碟中嘅新歌以及經典舊歌，仲有近年寫俾歌手嘅作品都會演出，令人期待，希望台上台下嘅人都可以好好享受呢個Party，為自己作一個圓滿暫別。