周吉佩月內澳門演出改動大玩自己 《中聲1》百人同台演出重溫追夢過程

周吉佩 即將就會到澳門舉行演唱會，呢日嘅記者會就有戰友 吳大強 支嚳儀 同 何博文 等現身支持，吉吉仲指今次同早前香港嘅演出有唔少調動，仲笑指臨近開騷先發覺改動似係整蠱自己咁話。

吉吉嘅澳門演唱會月底就會舉行，佢仲話今次演出有唔少改動
吉吉話歌單幾乎係全新編排，基本上係全新演出，當中快歌嘅歌舞亦重新排練，會發揚光大「鈣質舞步」咁話。而《中聲1》百強選手當中，唔少亦都會輪翻上陣任嘉賓，希望大家都會明白佢哋不懈追夢嘅意義。
呢日吳大強、支嚳儀同何博文都有參與記者會

Bill哥哥、Venus同博文就話，非常期待呢次安排，大家趁機會Re-U之餘仲會把握時間遊覽同嘆美食呀。

得返幾星期就開騷嘅吉吉，又話已經趕唔切操腹肌，要等返4月同吉s粉去塞班島玩先有機會曬Body喇，呢次兩周年大活動仲已經令佢非常期待喇。
劉芷君會為演出擔任暖場嘉賓

呢次澳門演出，仲有《聲夢2》出身嘅 劉芷君 擔任暖場嘉賓，不過要同時準備公開試嘅佢，就忙住安排時間練歌、溫書同拜年，所以就令佢忙上加忙喇。