賀年好聲音丨支嚳儀周吉佩VS魏嘉信梁浩賢 以英文朗讀歌詞估賀年歌

踏入蛇年，中年好聲音嘅四位唱將周吉佩、支嚳儀、魏嘉信同梁浩賢，相約TVB娛樂新聞台主播許文軒同玄學家唐碧霞團拜聚餐，大家坐埋一齊，點會只係食飯咁簡單，Edmond提議四位唱將玩吓遊戲，由吉吉同Venus組成「支吉Team」對戰魏嘉信同梁浩賢嘅「信賢Team」，分別朗讀翻譯做英文嘅賀年歌詞，睇吓邊隊最快估中5首歌曲。
四位中聲唱將玩賀年game！
許文軒同玄學家唐碧霞

先由「信賢Team」朗讀，「支吉Team」頭兩首歌極速估中，經過魏律師調整朗讀語速，「支吉Team」遇到困難，最後以3分42秒完成。輪到「支吉Team」做朗讀時，「信賢Team」就無頭緒，最終用咗7分鐘先完成。Edmond最後總結係「支吉Team」對賀年歌夠熟悉，而「信賢Team」就朗讀英文夠清楚好聽，結果係皆大歡喜打和！
信賢Team支吉Team到底咩題目令吉吉露出呢個表情？！