紅豆｜時代變遷精神不變 鄧麗欣為家業棄愛情無悔

以九龍城一間舊式糖水舖為背景嘅新片《紅豆》，27號就會正式上映，新片以充斥街頭巷尾嘅老店引伸出一個關於家庭、愛情同選擇嘅溫情故事。導演希望透過作品，展現香港時代變遷之餘，亦捕捉到城市獨特嘅人情味同精神。

新片《紅豆》以變化甚大嘅九龍城老店為背景

導演鄒穎指除住城市發展拆遷，觸發佢用九龍城開發《紅豆》嘅故事故事。 戲中飾演潮汕家庭長女嘅鄧麗欣，喺愛情同家人之間，選擇繼承家業而放棄愛情，Stephy話：「我嘅角色放棄自己夢想，成全父母嘅夢想，我認為家人最重要，支持家人同解決問題。如果我真係承業(片中角色)，我一樣會選擇家庭，家庭對於我好重要。人生出現嘅選擇實在太多，其實夢想可以好長遠，其實路嘅另一端仲有另一個選擇等你。」

以糖水養活一家人嘅華哥，面對社會同家庭轉變漸獨力難支

即將展開個人演唱會嘅Stephy，被問到喺演員、歌手身份中如何選擇？她就笑言：「就快開演唱會，但係又同時要做《紅豆》宣傳，點揀呢？我真係好分裂，演員同歌手身份係分唔開嘅，所以唔需要去選擇，why not both？」

長女Stephy為家人無悔放棄個人夢想