哪叱2｜香港快將公映4大公司聯合發行 華哥大讚角色設定思貝紮哪吒髻捧場

內地動畫電影《哪吒之魔童鬧海》新年檔期於內地上映，累積票房走勢非常強勁，突破120億人民幣嘅誇張數字票房，唔止成為全球動畫之冠，更同時榮登影史上全球票房第8位。新片好快就會正式喺香港上映，今次更由相關部門協調下，由4間電影公司共同發行，呢日首映禮唔止老闆同場，連政府官員都有參與，認真犀利。

《哪吒2》由香港四間電影公司合作發行

文化體育及旅遊局局長羅淑佩都有現身首映
任達華 蔡思貝 陳庭欣 等都有現身先睹為快，而經典電影作品多不勝數嘅 周星馳 亦出Post扭計心急話要睇新片呀。呢晚有份入場嘅華哥，就指新片內容同角色設定非常優秀。而Sisley更特別紮返個哪吒頭現身欣賞，更自稱係忠實Fans，本來仲打算直接殺返內地欣賞咁話。
思貝指等新片上映等到頸長，原本仲有計畫返內地搶先睇

Toby呢日帶埋《東張》新晉主持 曾錦燊 到場見識，早前同男友去日本享受滑雪假期嘅佢，佢仲話一直喺山頭遇到唔同朋友，非常熱鬧，而情人節亦都齊齊同眾好友食飯玩Game，非常開心咁話。

Toby帶埋小師弟到場睇新片