大師兄春日限定感謝祭｜痞子備隊服口號隊形強勁 組隊力抗東張西望主持

兩位師兄 錢嘉樂 阮兆祥 呢日同幾位獎老打扮成經典遊戲人物，同《痞子無間道》演員以及《東張西望》主持組成嘅兩隊組合，齊齊參與《大師兄春日限定感謝祭》，熱播嘅《痞子》成員著晒隊服之餘，仲諗晒口號，隊形十足似乎勝券在握咁喎。

痞子隊嘅成員隊形就十足喇，最後又係咪可以勝出呢？
被推舉為領隊嘅 韋家雄 同 周嘉洛 朱敏瀚 黃子恆 何泳芍 李君妍 出戰，不過講到邊個最有戰鬥力時，大家就你推我讓喇。而《東張》一方就由 Patrick Sir領軍，加上 梁敏巧 曾錦燊 李昊芳 同 吳幸美 迎戰，仲話正日生日嘅壽星一定會運氣極佳力抗對手咁話。

東張一隊有壽星Patrick Sir夠晒旺