《正義女神Themis》釋出片花 佘詩曼裁判官氣場全開

由佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀等主演嘅新劇《正義女神Themis》早前殺青，官方微博「TVB柒拾柒工作室」於20號晒出8位主演嘅單人海報，以及佘詩曼演繹法庭裁判官嘅一分鐘片花。
佘詩曼喺片花中嘅幾個鏡頭就已經氣場十足。
阿佘嘅造型相當幹練。

片中打扮幹練嘅阿佘一步一步走入法庭，企喺法庭中央環顧整個法庭，然後望住一張木櫈若有所思，之後再轉身望上高高在上嘅裁判官位置，短短一分鐘嘅片花、阿佘嘅幾個眼神，已經令觀眾感受到佢嘅氣場有幾強，亦令網民相當期待。

逾六萬人預約要睇《正義女神Themis》77工作室PO出8張主演嘅單人照。

雖然《正義女神Themis》剛殺青冇耐，仲未有確實開播日期，不過已經有逾6萬人預約想睇呢套劇，唔少網民都留言話期待，希望可以快啲播出呀！
許紹雄佘詩曼蔣祖曼譚耀文陳煒周嘉洛馬貫東戴祖儀