王敏奕準備《新聞女王2》角色 預告跟佘詩曼有大量對手戲

王敏奕以高貴打扮現身新車發布會，交流自己對座駕嘅要求。Venus舊年劇接劇有唔錯成績，所以今次農曆新年小休後，就會以嶄新造型現身銀幕，同時又收到《新聞女王2》劇本，佢都籌備角色當中，仲透露今次會跟佘詩詩曼多咗好多對手戲，所以心情既期待，又興奮同緊張。
剛過去嘅農曆新年，Venus盡情享受假期同家庭樂，佢話好鍾意跟家人朋友互相祝賀嘅感覺。見佢放假後身形仍然好弗，佢話其實係做咗好多運動，而今年算係咁多年以嚟無暴肥嘅一個新年。
王敏奕呢日現身新車發布會。
Venus早前喺《萬千星輝頒獎典禮2024》奪得「最佳衣著女藝人」獎時，心情興奮大叫老爺我攞獎，令全成爆笑，更被網民公認係最可愛新抱。Venus受訪時都話老爺曾志偉都有被佢舉動嚇親，過年見面時都有重提笑料。
Venus早前喺《萬千星輝頒獎典禮2024》嘅真實表現，被網民大讚可愛。
講到對座駕要求，Venus近年都轉咗用電車，更有意再添一架新車。佢笑言老公曾國祥年紀大，所以駕駛年資都比佢長，所以平時外遊駕長途車時，都由老公負責。