佘詩曼下月初將開工拍《新聞女王2》 親解電影版押後拍攝原因

佘詩曼喺元宵佳節出席保良局新春團拜，並獲委任為「傳承愛心大使」，跟二十多位機構受惠小朋友品嚐湯丸，感受節日氣氛，阿佘話每逢經過機構大樓，都會好奇想知入面環境係點，因為大樓內有好多小朋友，而眾所周知佢係好鍾意小朋友，經過今次參觀後，知道機構提供好完善嘅服務畀有需要嘅小朋友重拾溫暖。

佘詩曼喺元宵佳節出席保良局新春團拜，並獲委任為「傳承愛心大使」，跟二十多位機構受惠小朋友品嚐湯丸。
今年嘅農曆新年，阿佘有三日假期，佢都把握時間跟親友見面，又相約一大班TVB幕後同事團拜，而其餘時間就好好瞓覺休息，因之前兩個多月不停拍攝《正義女神Themis》，所以今次好好珍惜假期休息。

今年嘅農曆新年，阿佘有三日假期，佢都把握時間跟親友見面。
嚟梗就要為新劇《新聞女王2》拍攝作準備，要不停睇劇本去思考點樣演繹同執對白，佢話經已陸陸續續收到劇本。講到正式開拍日子，阿佘指將會三月初，其實監製最初想二月尾，但一班演員希望多啲休息時間做足準備，當一開拍後，大家就冇時間執劇本，一眾演員都希望《新聞女王2》可以比《新聞女王》更好。阿佘形容睇《新聞女王2》劇本，有種以往睇漫畫追看劇情嘅感覺。

阿佘指將會三月初，其實監製最初想二月尾，但一班演員希望多啲休息時間做足準備。
講到《新聞女王》電影版係咪押後，阿佘解釋因《正義女神Themis》拍遲咗，而製作方希望《新聞女王2》今年內播出，所以着力拍攝好劇集先。