77工作室春茗暨慶功宴過百藝人雲集 佘詩曼 楊茜堯兩大視后同框盼與林保怡合作

TVB 77工作室舉行春茗暨慶功宴眾星雲集，曾志偉、鍾鎮濤、林保怡、佘詩曼、楊茜堯、高海寧、劉珮玥Moon、陳展鵬、陳山聰、張振朗、何廣沛、陳曉華Hera、鄧智堅、林景程、高鈞賢、王敏奕、黎燕珊、袁偉豪同太太張寶兒、蔣祖曼、羅毓儀、郭柏妍Rosita、朱晨麗、許紹雄、張頴康同太太麥雅緻、丁子朗、吳業坤、傅嘉莉Kelly、蔡潔、吳若希Jinny、張馳豪Aska及77工作室總裁鍾澍佳等，場面似足台慶一樣星光熠熠。
曾志偉 鍾澍佳
志偉喺台上感謝一眾台前幕後嘅努力令TVB獲得佳績，大家值得食餐好嘅。鍾澍佳則表示會努力創作更多好作品，知道每位演員都渴求好劇本，並預告皇牌劇集《新聞女王2》將於3月開工。席間林保怡重遇兩大視后佘詩曼同楊茜堯，三位都係好戲之人，合體拍劇必定有震撼張力。
張振朗 陳山聰
山聰重提當年同Bowie合作劇集《隨時候命》，因當年自己初出茅廬演技未夠成熟，曾被Bowie掟劇本，好彩事件並冇嚇怕山聰，反而感激前輩教導令佢紥穩根基，希望孖視帝張振朗一齊同Bowie嚟個合作。山聰大讚Bowie不用睇劇本都可以臨場發揮，呢點亦係佢近十年想掌握之一。
林保怡
日前台灣藝人王大陸因涉嫌逃兵役被捕，曾經同佢合作過嘅Bowie同高鈞賢都希望王大陸呢場風波快啲平息，Bowie話春節時大家都有互相聯絡，希望對方唔會受事件影響，而高鈞賢亦大讚王大陸為人友善。
楊茜堯
鍾鎮濤同陳展鵬一齊參演劇集《巨塔之后》，可惜兩人並冇對手戲，令佢哋有少少遺憾。啱啱過咗72歲生日嘅B哥哥近日慶祝不斷，切咗近十個生日蛋糕，食到肚滿腸肥。
高海寧 同 佘詩曼
阿Moon同陳煒同樣有份參演《巨塔之后》，兩人重聚雞啄唔斷，阿Moon更好羨慕煒哥今年情人節有花收好Sweet。高海寧新年期間喺美國做騷後順便同蘇民峰師傅見面，獲師傅師母帶佢又玩又食，過咗個好開心嘅新年。
劉珮玥
臨盆在即嘅何依婷趁仲係活動自如，就出嚟見吓朋友歡聚，透露家中嘅BB房已安排得七七八八，英文名亦都諗好，但中文名就令兩公婆好頭痛，仲未落實。
何依婷