李施嬅密會鍾澍佳 為下月開拍《新聞女王2》做準備

鍾澍佳監製，佘詩曼、譚耀文、周嘉洛等主演嘅新劇《正義女神Themis》喺2月頭殺青，而另一套同樣由鍾澍佳監製，唔少劇迷期待已久嘅新劇《新聞女王2》，就將會喺下月開拍，主演嘅阿佘就爭取時間休息緊，而另一主演嘅李施嬅，呢日就PO出同鍾澍佳及《新聞女王2》嘅編劇見面嘅相。
李施嬅相約鍾澍佳。《新聞女王2》將於下月頭開拍。
相中李施嬅面前放咗部手機電腦，似乎係同鍾澍佳及編劇討論緊《新聞女王2》嘅劇本同拍攝詳情，佢喺帖文中表示：「好久不見！期待又進化了的#張家妍 。 #新聞女王2 背後的幕後功臣，總監製/總導演和編劇，加油啊！Getting prepped for Rolling and Action 🎬 ！」
佘詩曼正把握時間好好休息。
《正義女神Themis》喺2月頭殺青。《正義女神Themis》喺2月頭殺青。