77工作室盛大年度慶功逾百藝人出席 鍾澍佳親證《新聞女王2》下月開拍

TVB旗下嘅 77工作室 近年推出唔少大受歡迎作品，呢日就舉行春茗暨慶功宴，過去一年參加過演出當中作品，勞苦功高嘅台前幕後齊聚一堂，仲帶齊晒喺台慶頒獎禮獲得嘅眾多獎座，一字排過夠氣勢之餘，氣氛仲非常熱鬧。

大批藝只同事集合出席77工作室春茗，氣氛超熱鬧
佘詩曼 楊茜堯 陳山聰 張振朗 傅嘉莉 蔡潔 吳若希 丁子朗 吳業坤 林保怡 許紹雄 鍾鎮濤 高海寧 陳曉華 何廣沛 等過百藝員，仲有TVB總經理 曾志偉 同工作室總裁 鍾澍佳 等齊齊慶祝，仲話會繼續努力創作更多好作品喇，而極受矚目嘅《新聞女王2》下月就將會正式開拍喇。
佳導指《新聞女王2》下月開拍，亦期望陸續為觀眾製作更多唔同類型精彩作品

同場嘅兩大視后阿佘同茜堯，受訪時仲提到希望有機會合作鬥戲，而外傳佳導正構思一部電影劇本由佢哋兩位再加 宣萱 一齊合作，不過佢哋就話未有收到消息喇。
茜堯同阿佘兩位視后希望有機會再合作鬥戲

上集《新聞女王》已升任高官嘅高Ling，亦透露下月正式開工，仲話故事內容非常精彩，仲有新人物加入，自己會努力研究令角色更有深度呀。

高Ling話已經開始研究劇本，希望有更好嘅演出

即將臨盆嘅何依婷亦有現身