譚俊彥將拍《新聞女王2》又忙開音樂會 兒子Rex受訪對答淡定超可愛

譚俊彥同兒子Rex呢日嚟一個男人嘅浪漫活動，兩父子一齊砌積木，享受親子時光，Rex玩得好開心，受訪時嘅對答非常淡定，原來Rex自細就鍾意砌積木，仲會自己睇說明書，又會砌完之後檢查。

譚俊彥同囝囝Rex參與積木活動，平時亦會一齊玩爭取相處時光
譚俊彥話呢個興趣係互相影響，有時大家仲會爭砌積木，譚俊彥笑指屋企仲有好多盒積木係冇畀老婆知，仲叫阿仔趁呢日可以買多幾盒返去，不過Rex就睇中一個巴黎鐵塔巨型積木，譚俊彥就話冇位擺，要買間大屋先得。
Shaun呢日自爆話屋企收埋唔少積木，呢日更夾埋Rex想再入手

譚俊彥今年農曆新年陪家人度佳節，阿仔Rex話阿爸成日喺屋企，仲爆媽媽鍾意爸爸下廚，而爸爸譚俊彥要收拾心情開工，嚟緊要拍《新聞女王2》，又答應胡定欣嚟緊唱concert。

一家老少相處非常融洽