痞子無間道｜演員相約睇首播 周嘉洛裸跑狂打底免現形

爆笑喜劇《痞子無間道》星期一正式登場，劇中演員 周嘉洛 陳瀅 朱敏瀚 王灝兒 麥美恩 車婉婉 等約埋一齊睇首播，大家回顧返一啲特別場口時都睇到嘩嘩聲，幾位主角仲拎住收視爆燈嘅錦旗乘機催谷一番。陳瀅話拍攝過程大家都不顧形象豁出去，周嘉洛就大讚連臨時演員都戲味十足。

《痞子無間道》首播，一眾演員合體一齊欣賞
劇中集合眾多破格橋段，好似嘉洛大膽嘅裸露場面出街後，瞬間成為熱話，嘉洛話自己拍攝時著咗好多條打底褲，確保任何「形狀」都唔會睇到，佢仲大讚現場工作人員好專業，令佢拍攝時完全唔尷尬。
周嘉洛嘅裸露場面成為焦點

Mayanne同阿廉喺劇中好似狗咬狗骨咁，從磨擦中帶出唔少精彩火花。而阿廉係劇中同眾多美女有對手戲，但就唔係大家想像中嘅艷福無邊喇！
新劇繼承上一輯嘅搞笑元素，亦加入唔少生力軍

至於新加入痞子系列嘅婉婉，知道上一輯人物角色好入屋，所以佢坦言有啲壓力，好彩劇組對佢嘅演出都收貨。而家播出嘅兩線劇包括《痞子無間道》同《太陽星辰》婉婉都有份參演，加上週日播出嘅《中年好聲音》，一個星期見足佢6日，婉婉就話好感恩有咁多工作機會，希望可以俾大家見到唔同面嘅自己。

《痞子無間道》星期一至五晚 20:30 翡翠台