郭富城孖太太放煙花曬恩愛 火花突然失控慌忙閃避

天王嫂 方媛 不時都會分享同老公 郭富城 恩愛畫面，閃過不停。情人節佢就公開分享一條兩公婆放煙花時嘅白拍短片，城城從後貼近揸機嘅太太身後自拍，而兩人身後嘅巨型煙花開始燃燒，點知煙花似乎突然失控爆開，四濺火花嚇到城城同太太即時閃避，好彩兩公婆未有受傷。

城城同方嫂近距離直擊夜巨型煙花，好彩未有受傷

估計係佢哋返方媛家鄉過年時嘅情況

城城大受鄉親歡迎，不斷同大家合照

除咗太太喺情人節放閃，城城亦喺社交平台分享工作點滴，日前佢踏足內地節目《聲生不息》舞台演出，佢分享演出片段同時，留言希望大家鍾意佢嘅演出，今次係佢同團隊用心整備嘅港樂組曲，希望大家一齊為港樂打氣，而城城亦喺拍攝節目嘅後台跟啱啱宣布成為人夫嘅方力申碰面，佢哋仲襯機會傾談一番。

城城日前到長沙錄影《聲生不息》，被形容為最大牌嘉賓