J Music丨林智樂出騷偶遇小學同學 陳俞霏享受隨心演出

劉威煌、林智樂 (Felix)、何晉樂（Rock）同陳俞霏作客音樂節目《J Music》，一齊去商場做Busking，而佢哋嘅粉絲亦一早佔據有利位置捧場聽好歌，見到大家反應咁好，四位都走近粉絲大派紀念品。
何晉樂林智樂
Felix呢日演出時，仲偶遇一位小學同學Gordon，而對方就係現場樂手之一，不過Felix話最恐怖係自己一直有追蹤對方嘅社交平台，但唔知對方身份。Gordon話冇諗過同小學同學一齊出騷，覺得好有緣份，身邊嘅Rock就話見到呢幕好感動，好想試吓呢種經歷。
陳俞霏
威煌同俞霏係第二次參與《J Music》Busking環節演出，佢哋好享受成個演出過程，而威煌大讚粉絲經過上次之後，今次反應比上次更熱情。俞霏話做Busking嘅感覺同演唱會好唔同，因為Busking可以做到好自我本色嘅感覺，而威煌同樣覺得能夠近距離為粉絲演出，係好難得機會。
劉威煌