中二生頻組飯局聚會聯繫感情 狄波拉孖老公出席潮玩自拍

歌唱節目《中年好聲音》三季都令一眾有音樂夢想嘅選手喺參賽時搵到志同道合嘅好朋友，呢份友誼更延伸到比賽後都一直長存！雖然中聲1、2已經完結多時，眾選手喺音樂上都有自己嘅發展，不過工作忙還忙，佢哋都好識把握時間聚會，聯絡感情。
 中2生聚會，拉姑都有出席。
近日，MISSY隊長陳譽文就喺社交平台分享多張同「中二生」相聚嘅合照，並喺帖文表示：「好開心，有好嘢食又有得唱 K 。祝大家身體健康，愈來愈忙。」圖中所見，古淖文、譚輝智、林思彤、女團MISSY、顔米羔、梁浩賢等多位「中二生」成員玩得非常高興，身為輝智嘅「超級鐵粉」狄波拉都有現身。

鬍鬚Kong陪拉姑一齊「追星」。

當日着上螢光綠色外套嘅拉姑非常亮眼，而鬍鬚Kong江耀城亦做「跟得先生」同老婆一齊出席飯局，佢哋仲同「中二生」一齊影對鏡自拍，玩得非常開心。
 女團MISSY 同 譚輝智。

梁浩賢被女團MISSY包圍。