譚輝智孖中2戰友佛山開唱 遭劉威煌 梁浩賢爆料收穫豐富

《中年好聲音2》「人氣王」譚輝智日前孖劉威煌、梁浩賢一齊為一個佛山旅行團演出，三位精選四大天王金曲演出，包括：《那有一天不想你》、《暗裡著迷》、《雨中感嘆號》等，無論係慢歌抑或舞動快歌都難佢哋唔到，三位由出場開始就大受團友歡迎，更收到勁多禮物、利是，全場High爆！劉威煌譚輝智
三位解釋會揀四大天王金曲演出原因，主要係因為佢哋都好鍾意四大天王，加上討論歌單時一致決定要唱大家都識唱嘅歌，結果演出效果真係好好，亦可以帶動各位團友合唱。講到呢次收穫，浩賢同威煌都話輝智袋到成條褲都係利是，佢哋都好感謝各位送嘅祝福。
 輝智被爆收穫一袋利是！
輝智同威煌三月就會同李佳到美加演出，兩位都話會帶埋太太出埠，輝智更為自己安排咗一個夢想中嘅行程，就係睇球賽喇！威煌都覺得可以有呢次美加演出機會，係實屬難得！
梁浩賢