周柏豪過年帶仔女周圍𢭃利是 預告將展開新一輪世界巡唱

周柏豪 呢日出席一個電台嘅新春團拜，大唱賀年歌炒熱氣氛。講到呢個農曆年假，柏豪話好開心可以放吓假同屋企人一齊過節，小朋友最開心嘅就梗係𢭃利是啦，不過柏豪就話一對仔女暫時對錢銀未有太大概念，所以小朋友呢頭𢭃，嗰頭利是就入晒佢嘅袋，果然同所有人嘅童年回憶一樣樣呀！

周柏豪呢日現身一個電台嘅新春團拜
過去一年柏豪經常喺內地工作，每次出門做嘢，一對仔女都好唔捨得，柏豪仲自爆試過被佢哋扯爛條褲，雖然自己都唔捨得離開對仔女，但大家都需要學習分離，同埋會機會教育一對仔女返工嘅重要性，而小朋友就似懂非懂，最後都要做一大堆儀式感嘅嘢，包括攬攬錫錫兼騎膊馬，先可以成功出門口。
新年期間仲把握寶貴嘅親子時光

一對仔女雖然係柏豪甜蜜嘅負擔，但同時亦係佢努力工作嘅最強動力，好似嚟緊柏豪又將喺內地、星馬、美加、澳洲等地展開全新嘅巡唱，至於香港站，柏豪就話因為檔期問題暫時未有定案，自己當然都會努力book場，希望盡快可以有好消息同大家公布。

柏豪預告正籌備全新嘅世界巡迴