吳業坤傳授男士求生技能 親解歌迷命名坤蟲因由

愛妻號 吳業坤 趁住農曆新年假期，同太太濱口愛子返日本度假，佢仲專登同太太去當地嘅「愛子駅」打卡，氹到老婆不知幾開心。坤哥仲將呢種冧太太嘅技能灌輸入新歌《愛情求生案內書》。

坤哥同老婆愛子去愛子打卡，夠哂情趣
放完假重投工作嘅坤哥去到電台宣傳新歌，佢話呢首歌係教男士點對太太同女朋友好，學習好求生技能。每年農曆新年都會以自家製利是封封利是，不過今年因為設計師朋友太忙，坤哥就搵太太愛子幫手設計，仲話太太平時都有接觸設計。至於入行十周年慶祝，佢話都係圍繞住唱歌，將會去唔同地方開騷。
佢仲叫各位男士都要練好求生技能，好好同另一半相處

近日粉絲被命名為「坤蟲」，坤哥解釋時下不同藝人嘅粉絲都擁有創意嘅名，而佢個「坤」字，再加上自己鍾意綠色，所以就引伸「坤蟲」呢個名，仲設計埋「坤蟲」嘅公仔圖案。

佢仲話今年嘅專用利是封都係太太設計