坤哥情人節出新歌MV玩轉時光倒流 維繫感情使出「求生招數」

吳業坤（坤哥）於2月11號推出2025年首支主打派台歌《愛情求生案內書》，以強項抒情歌出擊冧爆情人節。有別以往，坤哥今次選擇用新唱腔，傭懶而又溫柔地註釋出情侶維繫關係嘅小甜蜜。

吳業坤於2月11號推出2025年首支主打派台歌《愛情求生案內書》。
新歌以愛情中嘅求生慾為題，曲風抒情柔和，但驚喜卻係歌詞中亦添加許多情侶日常，更幽默地添加兩人為咗維繫感情使出「求生招數」。務求聽眾喺歌曲中獲得共鳴，同時亦會心一笑。坤哥指新歌靈感來源係嚟自網絡嘅meme圖：「成日見到網上面啲人講點樣答女朋友問題先可以避免對方嬲，見到大家對男朋友嘅求生慾都好有共鳴又覺得好笑，而目前唔係好多歌係講呢樣嘢，所以想試吓，希望大家可以聽歌嘅時候，有共鳴又可以會心微笑，都算係一種另類嘅甜蜜。」

新歌以愛情中嘅求生慾為題，曲風抒情柔和，但驚喜卻係歌詞中亦添加許多情侶日常。
吳業坤今次投放咗更多心機及時間去思考MV拍攝。為咗呈現更加多戲劇元素，坤哥今次選擇帶大隊去台北拍攝，更邀請女網紅一同大玩時光倒流。今次MV添加許多情侶日常間嘅小磨擦，希望令觀眾獲得同感，重點亦喺MV當中加入「月光寶盒」元素，誇張呈現男生點樣努力哄回另一半，成功和好如初。

坤哥指新歌靈感來源係嚟自網絡嘅meme圖，成日見到網上面啲人講點樣答女朋友問題先可以避免對方嬲。