顏米羔與歌迷開年飯玩遊戲逐枱敬酒 透露忙製作新歌挑戰唱跳及多元曲風

《中年好聲音2》唱將顏米羔呢日同一大班歌迷「米粉」一齊食開年飯，貼心嘅米羔為免同「米粉」嘅屋企人爭團年時間，佢等過咗初十先搞聚會，《中聲2》戰友陳譽文、王嘉明、梁思傑，仲有《福祿壽訓練學院》嘅馮彥中有獲邀出席。

顏米羔同大班米粉一齊聚會慶祝新年
米羔本來想去佛山同譚輝智出席另一個活動，不過佢同「米粉」們一早約咗呢日聚會，亦有叫啲兄弟一齊食餐便飯，陳譽文仲自爆做咗「米粉」兩年，席間米羔同歌迷玩Bingo遊戲抽獎，更逐枱敬酒，對歌迷照顧周到。
陳譽文、王嘉明、梁思傑等好友都有參與

此外，米羔當然有同戰友一齊獻唱炒熱氣氛，呢日佢多謝米粉前嚟，仲透露默默造新歌，希望挑戰唱跳及多元曲風！

米羔呢日話唱跳新歌已經製作當中