ComplexCon疑出錯飛　NJZ歌迷購3.23票變3.21　Cityline：系統無異常

香港近年致力發展成為盛事之都，近日「ComplexCon」演唱會宣布3月再臨香港。不過，有已購票人士在網上指出，Cityline（購票通）的部分門票「出錯」日期，令一班原打算欣賞韓國女團「NJZ」的粉絲，慘變要看香港明星。

ComplexCon

ComplexCon｜NJZ歌迷購3.23票變3.21

連續第二年在香港舉辦的「ComplexCon」，由3月21日起，一連三日在香港亞洲國際博覽館（亞博）上演。今年最大亮點是原名「NewJeans」（現稱NJS）的韓國女團齊人5名成員訪港，並於第3天、在3月23日的演唱會登場。

其中，優先購票於周一（2月10日）開展，開售不久已售罄。不過，有不少購票人士反映，經購票網站Cityline（購票通）購票時，選擇3月23日的場次，但付款後門票卻變成3月21日。

ComplexCon｜NJZ照片：

NJZNJZNJZNJZNJZ

ComplexCon｜歌迷：好灰好傷心

事件發生後，忽然由開心驚喜變成未知數，令不少歌迷在網上發帖文，有人直言非常傷心，「我一直就係撳緊3月23號嗰場，撳咗幾分鐘，好好彩，彈入去俾哂錢，最後睇mail發現張飛係3月21號，我有冇咁黑仔，我肯定佢系統出錯」、「張飛寫明不可退換我都唔知點樣同Cityline講，打去Cityline熱線打咗半個鐘又冇人聽，如果講佢系統出錯佢哋就唔認數，好灰依家，好傷心。」、「唔怪得賣飛grp咁多人賤價放21號。」、「我都係咁樣！好肯定撳咗23號，撳咗好多次refresh終於可以俾錢」、「我都係。好肯定自己撳左好多次23/3！」、「我都係咁樣，我撳咗好耐嘅23號$1388 standing，彈到入去以為終於買到，點知俾完錢先睇到係21號」、「我都係同樣情況」、「NJZ 變咗 MC Jin」、「我都係，依家唔知點算好」、「希望大家都可以換到23號或退錢」、「我都係咁㩒23變21號，佢揀嗰個位好伏」、「好多苦主啊」、「真係離譜到」、「希望退錢」、「呢啲拼盤show伏多，所以我都忍手」、「搶NJZ飛，㩒咗23號
但俾完錢System Bug變咗21號」。

ComplexCon｜主辦：沒系統權限故未能調查

ComplexCon回應指收到有人反映購票系統懷疑有異常，已即時向Cityline查詢，但由於沒有系統權限，未能直接調查。

Cityline：系統無異常

ComplexCon｜Cityline：系統無異常

Cityline（購票通）最新在官網發表聲明，指關於客戶購買ComplexCon門票的查詢， 已根據系統日誌翻查檢閱相關交易記錄，並且確認沒有發現任何系統異常運作。

此外，根據Cityline官網列明的售票須知，如果門票銷售有任何爭議，主辦方的決定將為最終及具約束力。

Cityline（購票通）聲明全文：

關於客戶購買 COMPLEXCON 2025 (3 月 21 日至 23 日) 門票的查詢

關於客戶購買 COMPLEXCON 2025 (3 月 21 日至 23 日) 門票的查詢， 我們已根據系統日誌翻查檢閱相關交易記錄，並且確認沒有發現任何系統異常運作。客戶如有相關查詢，請發送電郵至 cs@cityline.com 並提供詳細交易資料或確認電郵的副本。收到詳情後我們將仔細調查客人的個案，並配合主辦方作出及時回應。 謝謝。

同場加映：防騙視伏器

防騙視伏器防騙視伏器防騙視伏器防騙視伏器防騙視伏器