沈宗賢浪漫約粉絲共度佳節 難忘每年欣賞新春煙花匯演

中聲歌手沈宗賢日前相約一班歌迷歡度情人節，李佳、林鉫徫以及宗賢喺中聲時期嘅導師龔柯允都有現身，當日更有馬來西亞傳統慶新年嘅美食「撈起」，大家喺歡樂氣氛下一齊「撈起」，寓意蛇年做咩都撈得起。

沈宗賢日前相約Fans聚會，仲趁新春齊齊撈起夠晒意頭

難得同粉絲見面，宗賢喺表演歌單上都特別用心，佢就話自己唔想每次都唱一樣嘅歌，希望可以帶新意思俾大家。宗賢呢日就準備咗英文歌以及經典金曲，包括：《Thinking Out Loud》、《你最珍貴》、《我親愛的》、《對面的女孩看過來》，令大家聽得非常沉醉。 

當然唔少得為大家高歌盡興啦

原來今年已經係宗賢同媽咪第三年喺香港慶祝新年，而宗賢最鍾意就係欣賞香港嘅新春煙花匯演！宗賢亦話，做開策劃嘅媽媽目前幫佢處理粉絲事務，因為媽媽從事策劃工作，所以完全「唔等得」。

一班《中聲》好友都有上台為大家獻唱