中聲3未曝光片段丨李金凱苦練腳趾彈結他 寄語珍惜時光勇敢去做

失去隻臂嘅《中3》「生命鬥士」李金凱，喺24強團戰中獻唱哥哥張國榮嘅名曲《當年情》，金凱更赤腳彈奏結他，技法純熟，除咗一粒音都無彈錯，更彈出歌曲嘅靈魂，無論台下嘅評審定係觀眾都被感動到熱淚盈眶。

李金凱以腳彈結他嘅演出，令人感動又驚嘆
金凱喺演出後分享結他背後故事，佢話當初做直播節目時，由一位朋友處抽獎得到結他獎品，金凱當時一直諗支結他嘅用途，直至今次參賽，到呢個比賽環節嘅演奏，佢就認為結他係為呢一刻而嚟。
呢日佢就講解開始學習結他嘅前因後果

講到《當年情》，金凱指係佢內心好重要嘅歌，而前面一段係《英雄本色》嘅配樂，所以特別演奏作為襯託。佢話彈奏時就好似回重返年青，勾起好多美好回憶，覺得時間過得好快。
金凱亦指呢次演出勾起唔少自己嘅回憶

金凱話因為所有工具都係特製，明知自己彈得唔好，唯有不停練習，連腳趾都磨損。佢希望令大家明白要做就去做，因為時光唔等人。