方力申情人節宣布結婚 迎娶拍拖兩年女友葉萱

恭喜！恭喜！方力申2月14號情人節，喺社交平台宣布迎娶女友Maple葉萱，小方分享咗兩張相，其中一張兩人嘅背面合照上寫上「MAPLE MARRY ME？」並喺帖文寫上：「我們在這裡結婚了，祝大家情人節快樂。」依相片上嘅背景嚟睇，二人應該係喺美國santa monica beach，而小方簡潔嘅文字亦流露出無限幸福，相信小方父母最開心。
方力申上載二人背影照，並寫上：「MAPLE , MARRY ME？」

小方喺2023年公開女友Maple，雖然當時女友身為南韓攝理教受害人，但小方一直悉心愛護女友，保持低調關係，兼且陪伴女友到韓國出庭，而案件早前亦已完結。小方亦跟Maple踏入人生另一重要階段。