衛詩雅成人妻笑指結婚似拍3日打戲嗌攰 王丹妮赴澳陪羅孝勇探親兼度情人節

衛詩雅、談善言、王丹妮同吳冰呢日出席一個品牌活動，衛詩雅婚後首次現身公開活動，對於一眾記者嗌「周太」，衛詩雅開心到見牙唔見眼，笑言本身唔慣呢個稱呼，直至見到傳媒朋友就慣咗。
新晉人妻衛詩雅。
衛詩雅話結婚好似拍三日打戲，見到賓客好開心，佢就覺得好攰都值得，衛詩雅又指婚禮後兩日要忙住還婚紗同鞋等；對於正式成為人妻，衛詩雅覺得簽咗一紙婚書好奇妙，頓時同醫生老公周祉安有一種家人嘅感覺，婚後相處亦有啲唔同，被問到洞房花燭夜，衛詩雅即嗌好熱，身旁嘅談善言幫佢解圍。
談善言 同 衛詩雅
王丹妮早前趁住老公羅孝勇未開學，佢飛到澳洲同老公一齊探親，並享受二人世界度過情人節，獲老公驚喜送贈12支巨型鮮花，令王丹妮非常開心。
王丹妮吳冰