大S離世丨范瑋琪急刪澄清一家無辜帖文 具俊曄無限期停工覓亡妻安葬處

大S徐熙媛喺2月2號因感染流感併發肺炎，於日本東京家庭旅行時猝逝，而大S出發日本前曾出席恩師王偉忠女兒嘅歸寧宴，有網民指大S被當晚有份出席賓客嘅范瑋琪一家傳染，因為范范出席宴會前曾於社交平台透露兩位兒子因流感入院。

大S出發日本前曾出席恩師王偉忠女兒嘅歸寧宴，有網民指大S被當晚有份出席賓客嘅范瑋琪一家傳染。
對於網民指責，范范於21日喺社交平台上載跟醫生對話截圖，內容係醫生指范范一家人無辜，因為小孩於1月25日已沒有傳染力，范范無患上流感，只係咳咗兩個月，應該係黴漿菌，因此並唔會係由范范一家傳染。范范喺帖文稱本來唔想解釋任何事，但太多惡意中傷甚至牽連到孩子，無法忍受「我的孩子痊癒後也待在家裡，完全沒有出席歸寧宴。我最好的朋友永遠離開了，我真的希望這世界的惡意能不能少一點，哪怕是一點都好」，不過貼文一出，引起不少人轉發及熱議，范范喺同日中午突然刪走帖文。

范范出席宴會前曾於社交平台透露兩位兒子因流感入院。
大S離世對母親S媽黃春梅打擊非常大，為咗保護女兒生前嘅一切，S媽揚言「不信正義換不回，我要上戰場、給我加油吧」，疑似為大S追討生前未得到嘅公道，盛傳向大S前夫汪小菲追討欠下逾2.5億新台幣賬款。而汪小菲日前跟太太馬筱梅飛回北京，於20日再次現身台北機場，但整個人狀態已有別於大S離世時，對於現場傳媒提問來台目的均不發一言。

S媽疑為大S追討生前未得到嘅公道，盛傳向大S前夫汪小菲追討欠下逾2.5億新台幣賬款。
小S徐熙娣因太過傷心，早前向節目《小姐不熙娣》告假，預計停工半年，而面對喪妻之痛嘅具俊曄，其精神及身體狀況同樣令人擔心，據知具俊曄之前拍攝好嘅品牌代言工作仍然會繼續，但其餘嘅公開活動如粉絲見面會、DJ騷及記招，則無限期暫停，暫時未有復工時間表。另外，有傳原定大S於本周舉行樹葬將會延期，具俊曄於20日發出聲明證實「還是希望日後能有一個隨時都能去探望熙媛的獨立空間，可以好好陪伴熙媛，所以在和家人討論後，決定重新選擇埋葬地點」，可見具俊曄對亡妻不捨之情。

汪小菲日前跟太太馬筱梅於20日再現身台北機場，對於現場傳媒提問來台目的均不發一言。

小S徐熙娣因太過傷心，早前向節目《小姐不熙娣》告假，預計停工半年。具俊曄之前拍攝好嘅品牌代言工作仍然會繼續，但其餘嘅公開活動暫時未有復工時間表。