吳姍儒代小S主持節目惹不滿 向觀眾派定心丸表示：「只是替班」

大S徐熙媛離世消息震驚兩岸三地，而大、小S出道超過30年，主持風格幽默直率，亦係唔少人嘅偶像。作為後輩嘅吳姍儒（Sandy）呢日出席活動時亦表示，大S嘅離去係一件令人感到極大痛苦嘅事，亦係屬於「社會性集體創傷」。Sandy亦表示，雖然自己唔敢慰問小S，但大家應該再俾多啲時間小S走出失去親人嘅痛。
 吳姍儒
大S離世後，小S亦向主持嘅節目《小姐不熙娣》請假半年，而製作單位亦搵到Sandy做替班主持，之但係有部分觀眾認為Sandy唔夠親和力，唔適合做代班主持。Sandy就話自己冇諗太多，當收到製作人電話時，自己連要替班幾耐都冇問就答應接下主持棒。Sandy亦向觀眾派定心丸，自己只係臨時代班，並且非常期待小S未來復工。
 小S因為姐姐大S離世而向節目組請假半年。
Sandy同爸爸吳宗憲父女檔主持嘅節目喺2月底就會停播，Sandy雖然感到不捨，但亦尊重爸爸決定，以及感謝觀眾喺呢9年嘅支持。