吳姍儒為小S代班惹負評 黃偉晉盼網民管好嘴巴

大S徐熙媛離世嘅消息震驚娛樂圈，佢同妹妹小S曾主持過嘅綜藝節目深入民心，好多演藝圈嘅後輩都係忠實觀眾，包括組合五堅情嘅黃偉晉，偉晉而家主持嘅節目《娛樂百分百》亦曾係大小S嘅主持代表作，所以對於大S嘅離世，偉晉都覺得好惋惜。

偉晉而家主持嘅節目《娛樂百分百》亦曾係大小S嘅主持代表作。
偉晉話自己好鍾意睇《大小愛吃》，就連健身時佢都唔放過，佢仲話有時見到好笑嘅片段，更會上載到限時動態同大家分享。小S喺家姐離世後向主持嘅節目請假半年，電視台於是請吳姍儒代班，引來唔少觀眾批評，話Sandy唔夠親和力，唔適合節目風格，身為小S鐵粉嘅偉晉就有唔同睇法，叫網民唔好再用嘴巴去傷人。

小S喺家姐離世後向主持嘅節目請假半年，電視台於是請吳姍儒代班。
查實偉晉近排好努力管好自己把口，事關佢過去有唔少同網民開拖嘅經驗，不過踏入蛇年，偉晉就話已同新公司協議好會收斂啲，偉晉話其實同網民吵架，係佢一個充電嘅來源，佢覺得以後表達方式可以調整吓，唔好再好似以前咁潑辣，嘗試轉換用詞同語氣。

查實偉晉近排好努力管好自己把口，事關佢過去有唔少同網民開拖嘅經驗。