林嘉欣醉心陶藝為品牌作展品 新年假期與兩女平靜度過

近年潛心投入陶藝創作嘅 林嘉欣 ，呢日以藝術家身份出席一個藝術展，佢早前配合品牌新產品推出應邀創作一件陶器，仲指幾十種香水都有各自嘅獨特味道，最後就決定以非常隨心嘅方式製作出呢日嘅展品。

近年醉心陶藝創作嘅林嘉欣，呢日現身品牌活動
嘉欣指下半年會放更多時間喺電影演出，而過年期間除咗陪住兩個囡囡同食共瞓，亦有帶埋佢哋參觀藝術館，度過平靜嘅假期。而早年喺台灣出道嘅嘉欣，當年同大S都曾有數面之緣，佢仲指覺得大、小S兩姊妹性格反差非常大，收到消息後覺得非常可惜，亦慨嘆人生無常。

當年與大S於台灣曾有數面之緣嘅嘉欣，對對方突然離世非常婉惜