朱孝天開直播拒吃大S人血饅頭 吳建豪沉默多日終發聲

大S 徐熙媛 猝逝震驚兩岸三地，過去同大S合作拍攝偶像劇《流星花園》嘅F4成員亦相繼發聲悼念舊拍檔。近年活躍內地社交平台嘅朱孝天，喺2月9號晚亦開直播同網友傾偈，不過就並未帶貨。佢表示唔想喺呢段特殊時期博流量：「現在的氛圍不適合直播帶貨，不想吃人血饅頭。這是很缺德的一件事，我做不出來，再多利益擺在我面前，我都做不出來。」

朱孝天直播期間未有賣貨，更斥食人血饅頭非常缺德
雖然朱孝天同大S已經好幾年冇聯絡，但佢回憶當年合作時相處愉快，自己心情亦因大S離世大受影響亦感到非常遺憾。言詞銳利一針見血嘅佢仲話：「很多人都覺得觀眾傻，其實每個人心裡有一把尺，你想利用別人的心態，一旦露出來，別人會清楚知道。」暗諷被多個網上平台封禁嘅大S前家姑張蘭同前夫汪小菲，朱孝天呢位舊拍檔真係對大S有情有義。

當年大S同F4合作嘅《流星花園》掀起多年偶像劇熱潮

而吳建豪日前亦繼言承旭、周渝民、朱孝天三位F4成員後，喺社交平台撰文悼念大S：「Big Smile, Big Heart, Big Laugh, Big Love… Big S. Thank you for all your kindness throughout the years, especially from when we first met… Miss you dearly Barbie. Rest in Love.（燦爛的笑容、寬大的胸懷、爽朗的笑聲、滿滿的愛……這就是大S。謝謝妳多年來的善良與溫暖，尤其是我們初次相遇的那些日子。好想妳。願妳安息於愛中）」向大S作最後致意，配圖亦用上黑底粉字，寫有大S英文名「Barbie」。

吳建豪亦繼其他成員之後，撰文悼念當年好拍檔