陳佩思兒童節目主持變身法國大廚 鄺文珣趙頌茹大讚好姐妹手勢

曾經做過兒童節目主持嘅陳佩思，搖身一變成為法國大廚，更投資六位數字同拍擋合資開店，呢日餐廳開幕，唔少圈中朋友都有嚟撐場，好似有盧惠光、林國斌、鄺文珣同老公應毅烽、彭家麗、林寶玉、關伊彤、趙頌茹、韓馬利等等。
陳佩思投資六位數同拍檔開店。
舊年去咗泰國修讀藍帶課程嘅Pancy，呢日更獲頒「愛斯克菲國際美食大使」，達成開餐聽嘅目標後，Pancy又話心郁郁想實行另個大計，就係想去法國學廚，佢用「犯賤」來形容自己，明知過程會好辛苦，但都係想親身體會下。
鄺文珣同老公一齊撐好友。
一個女人隻身去到泰國學廚，過程真係一啲都唔容易，鄺文珣就話好佩服Pancy嘅毅力，佢試過Pancy嘅手勢之後更讚不絕口，仲乘機向好友偷師。
韓馬利 彭家麗
Angela話Pancy學廚期間，佢都有特登飛去泰國探佢，比啲支持好姊妹，不過講到會唔會效法Pancy去讀番個藍帶，Angela同韓馬利就即刻耍手兼擰頭，Mary姐仲搞笑話自己淨係負責食，學廚咁大壓力完全唔適合自己喎！
趙頌茹
至於Pancy嘅好姊妹阿Yu，都好戥Pancy開心，佢話自己不時都會鼓勵Pancy，尤其見到佢劏牛，更加係佩服得不得了。