家人摮友低調為大S徐熙媛舉辦告別式 賈永婕爆具俊曄喪妻後暴瘦憔悴落寞

大S 徐熙媛 2月2日喺日本因流感併發肺炎離逝，享年48歲。13號晚家人同摯友相聚，為大S舉行告別式，據知徐媽媽、小S徐熙娣以及好友陳建州、范瑋琪、吳佩慈、阿雅、范曉萱、賈永婕等都有份出席儀式。

徐家親友日前為佢舉行低調告別儀式
賈永婕喺台灣現身活動時，透露當晚佢哋一齊互相傾訴同大S嘅彼此，仍然好不捨大S嘅離開，喺告別會上，親友們以「非常大S的方式」進行，大家分別訴說對大S的回憶，好友們互相分享照片，講吓當時影相嘅狀況，而范曉萱則選擇彈鋼琴弔唁好友，賈永婕仲表示大家喺安靜又優雅嘅氣氛中向大S告別，更坦言冇人想接受呢個事實。
身為好友嘅賈永婕亦有出席，仲指當日氣氛平靜肅穆

除咗摯友同家人傷感，大S老公 具俊曄 喪妻後一直傷心欲絕，至今仍未能接受大S離開人世嘅現實，賈永婕透露知道對方很傷心，而且消瘦唔少，喺告別式上見到對方時，被佢嘅狀態嚇倒，但亦強忍著傷感向具俊曄問好，又叮囑佢要好好照顧自己。

佢又提到具俊曄仍然非常傷心消瘦唔少