蘇慧倫否認係大Ｓ夫婦紅娘 有感人生無常應珍惜當下

大S徐熙媛喺日本猝逝嘅消息震驚娛樂圈，關於大S過往情史亦再被翻炒，由於蘇慧倫早年曾經同大S老公具俊曄所屬嘅組合酷龍喺音樂上合作，有傳大Ｓ同具俊曄係透過慧倫牽線而相識，所以係二人嘅紅娘，不過慧倫就澄清消息來源有誤，同具俊曄只有工作上合作並冇私交，不過大Ｓ嘅離世，慧倫震驚之餘亦覺得好感觸，佢呢日去到電台宣傳新歌，仲特登提筆寫「惜」字，希望大家都可以珍惜當下。
蘇慧倫以「惜」字提醒大家珍惜當下。
今次係慧倫相隔五年再推出新專輯，仲去到日本為新歌拍MV，雖然喺冰天雪地取景搞到腳趾凍傷，不過慧倫就覺得好值得，佢話做歌手咁多年，一路走來都好珍惜可以有繼續出歌嘅機會，亦希望自己嘅音樂可以帶比歌迷安慰同共鳴。
蘇慧倫早前到日本拍MV。
蘇慧倫澄清非大S夫婦嘅紅娘。