詹天文獲粉絲廣州設大型打卡位應援打氣 分享校園生活正籌備出新歌

聲夢小花詹天文（Windy）嘅粉絲噚日喺廣州舉行首次LED 廣告應援，吸引來自廣州及香港嘅粉絲與Windy 一齊喺大屏幕前打卡，呢場活動係Windy第一次喺廣州與粉絲面對面交流，氣氛熱烈，Windy好感激粉絲從香港遠道而來，亦開心見到廣州粉絲。

聲夢小花詹天文嘅粉絲噚日喺廣州舉行首次LED 廣告應援。
為咗祝賀Windy喺廣州升讀大學，Windy Fan club特意安排咗喺廣州大學城做一個大型LED應援廣告，並以口號「風臨星海，追夢前行」，祝福Windy繼續努力追夢，當Windy睇到呢個驚喜，亦流露出無比高興與感動，Windy亦好感謝粉絲。

呢場活動係Windy第一次喺廣州與粉絲面對面交流。
唔少粉絲為咗呢次見面會，特地由香港長途跋涉而來，表達對Windy嘅支持與愛護，Windy更親切地同每位到場嘅粉絲逐一合影，留下美好回憶，同時分享剛過去一星期嘅校園生活，目前正積極籌備下一首新歌。