方大同離世｜薛凱琪曾稱獲對方救命 日前音樂節似已知好友離世

經理人公司突然宣佈 方大同 離世消息令各界大為震驚，而下午更有消息指悼念儀式今日已經舉行，有人公開一張紀念冊圖片，內有方大同以中、英雙語撰寫嘅遺言與告別祝福。

有人於網上公開方大同悼念儀式嘅內容
內容寫道：

2025年3月1日

時間不等人，隨著年齡增長，更能理解時間的現實與虛幻。生活給我們帶來了各種各樣的轉折與挑戰，但我認為我們的目標之一應該是以雅致得體的態度去走完生命之路。

在我人生中的這個特別時刻，萬事停滯不前，給予了我充份的時間去反思過去、認真思考眼前的一切，並幻想未來。《夢想家》(The Dreamer)這個名字象徵著，即使面對疾病和人生的種種挑戰，我依然在這裡，充滿了創造的意境和滿懷的夢想。

祝你在未來的日子裡，繼續懷抱夢想，繼續努力，成長進化，在人生的每個階段充份發揮自己的潛能。

大同

薛凱琪與方大同既合作無間亦係交心摯友

 多年前已有非常好感情嘅 方大同 同 薛凱琪 ，當年唔止關係友好，更不時被認為係一對。Fiona暫未公開對好友離世發表意見，不過網上就有片段指，佢2月底現身海口一個音樂節時，似乎已收到摯友離世嘅消息。
Fiona唔少歌曲都由方大同製作

曾指方大同一手將自己由鬼門關拯救嘅佢，於舞台上突然哽咽又以笑遮掩，佢話只要我哋仍然存在，人生嘅路永遠唔係盡頭，因為只要相信，就永遠有人愛我哋同守候我哋。講到激動處仲一度背向觀眾抹眼淚。
有人估計Fiona日前演出時已知噩耗

唔少網民睇過影片之後，都估計佢早已知道親密戰友嘅情況，無不大表婉惜。Fiona嘅《糖不甩》、《雪花飄》(《甜不甩》國語版)、《弗洛蒙》、《甜蜜蜜》、《我不需要Tiffany》、《天國的微笑》、《慕容雪》、《天生一對》等多首歌曲都曾同方大同合作甚至合唱，兩人私交甚篤，如今好友離逝Fiona一定大受打擊。