王偉忠悲代大S家屬發聲明 望親友調整心態放下哀傷

大S 徐熙媛 月初於日本離世，佢最後一次出席公開活動，就係上月現身祝賀恩師 王偉忠 嫁女嘅歸寧宴，當時大S同一眾好友言談甚歡。而噩耗傳出之後，亦係由一直見證大小S成長嘅偉忠哥，代徐媽媽向外界發佈消息。

大S離世前最後一次公開現身，就係參與偉忠哥千金嘅歸寧宴
呢日偉忠哥現身佢監製嘅舞台劇宣傳，亦再次就大S離世一事公開回應。佢指明白大S離世係重大消息，不過亦希望大家可以俾逝者安息，希望外界都好好放下。大S離世後佢曾經於專欄撰文細訴，呢日偉忠哥亦再次指，所知想講嘅都已經表達過，其他事就交由家人決定。
多年來見證大S成長嘅佢，呢日難掩落幕

而外界對徐家親屬情況都非常擔心，偉忠哥就指家人心情一定非常哀傷，希望佢哋慢慢調整。而 黑人夫婦 被指責因小朋友嘅流感傳染導致事件發生，日前范范發文澄清更三發三刪，偉忠哥就指難以代任何人表達意見。

佢受訪時就指希望各方都能夠好好調整心情面對將來