吳姍儒頂替請假小S上陣錄影 派翠克持續關心曝拍檔心情

小S 因為月初大S突然離世，痛失至親嘅佢向節目《小姐不熙娣》請假半年，為大S安排後事同照顧家人。呢日節目由代班嘅 吳姍儒 擔綱主持錄影，Sandy 同 派翠克 一齊受訪時，就指因為特殊情況臨時接手，加上節目風格同過往自己經驗大有分別，所以心情一定會緊張咁話。

小S因為大S突然離世，早前向節目組請假半年
佢哋又話希望喺呢段特別期間，以特備單元心態為大家提供娛樂同療癒嘅時光。派翠克同小S喺節目合作近3年，佢早前亦向小S慰問，而小S雖然要處理家事，不過佢仍非常關心節目進度。
吳姍儒暫代主持一職，呢日錄影前就指心情難免會緊張

今次雖然係Sandy同派翠克首次正式合作，不過Sandy就指老公係新拍檔狂粉，而自己亦受感染，坐月時狂煲對方影片，呢日受訪時就已經火花十足，相信節目亦會繼續為觀眾帶來唔少歡笑。

派翠克亦提到一直有同小S聯絡，對方亦表達希望節目繼續拍攝播出嘅諗法