楊明與有米女友莊思明傳已秘婚 慶祝44歲生日疑蛋糕朱古力牌露端倪

44歲楊明與38歲莊思明（Lisa）拍拖9年，2月27號係昨日（27日）楊明44歲生日，莊思明為楊明慶祝生日，炮製愛心海鮮大餐，仲送一個心型蛋糕寫住「Happy Birthday 老公豬豬」，難道二人已秘婚？

莊思明送心型蛋糕寫住「Happy Birthday 老公豬豬」，難道二人已秘婚？
莊思明日前喺IG貼出跟楊明嘅恩愛合照，相中見莊思明開心撓實楊明，流露出一臉幸福嘅笑容，以「2.27 Happy Birthday my love」出生日post並留言：「祝你身體健康、事事順利、心想事成，希望你永遠都會咁樂觀積極，開開心心過每一日！感謝你的愛與支持，願你的未來充滿陽光，愛和幸福，祝你生日快樂！Love you!!!」莊思明笑指每年楊明生日都好難諗買咩蛋糕，皆因楊明唔鍾意食甜嘢，今年訂製咗海膽魚子醬壽司蛋糕，不過網民焦點就落咗喺生日牌上，見莊思明嗌「老公豬豬」，惹嚟秘婚傳聞！

網民焦點就落咗喺生日牌上，見莊思明嗌「老公豬豬」，惹嚟秘婚傳聞！
楊明同女友莊思明上月出席《愛．回家》宣傳活動，曾被追問婚期一事，楊明笑言盡力同盡快，話晒楊明同莊思明拍拖多年一直感情穩定，二人風雨過後，莊思明對楊明一條心，更坦言非楊明不嫁。

莊思明為楊明慶祝生日，炮製愛心海鮮大餐。