邵雨薇否認與吳慷仁秘婚傳聞 二人專注打拼事業不談結婚

台灣女星邵雨薇同金鐘視帝男友吳慷仁拍拖多年，外界一直睇好兩人會修成正果，上年更有傳言指二人已經秘密結婚。而喺剛剛過去嘅農曆新年，雨薇都有去慷仁屋企食團年飯，令佢哋秘婚傳聞再傳得似層層。
 邵雨薇呢日出席活動。
日前雨薇出席活動時表示，自己同慷仁嘅朋友都喺高雄，所以今年同往年一樣都係一齊食團年飯。至於講到有冇被家人逼婚，雨薇就話自己屋企完全唔會有逼婚行為，邵媽媽更開明到曾表示：「未過30歲以前是絕對不準結婚。」因為邵媽媽覺得自己太早結婚，有一啲夢想未完成，所以希望小朋友未來唔好咁快投入婚姻同生BB。
 回應同吳慷仁秘婚一事。吳慷仁
慷仁近年轉向內地發展，繼續打拼事業，雨薇亦希望自己喺事業上越來越好，二人亦唔會特別傾關於結婚嘅話題，一切順其自然就好。雖然雨薇同慷仁分隔異地，不過佢地最近都夾到假期一齊去日本渡假，開心過咗十日，雨薇就話佢哋其實都係低調嘅人，所以就算分享靚相，都唔會太多。